Shah Rukh Khan-Honey Singh Clash : गायक-रॅपर हनी सिंह याचं नाव अनेकदा वादात अडकलं आहे. काही वर्षांपूर्वी हनीबाबत एक बातमी समोर आली होती की, एक टूरदरम्यान शाहरुख खानने हनीवर हात उचलला होता. इतकंच नाही तर, शाहरुख खानने हनी सिंहचं डोकं फोडल्याचं म्हटलं जात होतं. ही बातमी खूप व्हायरल झाली होती. मात्र, हनीने त्यावेळी हे वृत्त चुकीचे असल्याचं म्हटलं होतं. पण, तो या विषयावर सविस्तर कधीच बोलला नाही. आता हनी सिंहने आपल्या डॉक्युमेंटरी सीरिजमध्ये तेव्हा नेमकं काय घडलेलं, याचा संपूर्ण प्रकार सांगितला.