वर्ष झाले, पण इस्रायल थांबायचं नावच घेईना! युद्ध सुरूच राहणार, काय आहे इस्रायलची पुढची रणनीती?

one year of 7 october attacks israel : पॅलेस्टाईनमधील हमास संघटनेने इस्रायलवर केलेल्या हल्ल्याला एक वर्ष पूर्ण झाले आहे. या हल्ल्यात तब्बल १२०० इस्रायली ठार झाले होते तर काही जणांचे अपहरण करून त्यांना बंदी बनवण्यात आले होते. आजही हमासच्या ताब्यात काही इस्रायली आहेत. यानंतर इस्रायलने गाझावर हल्ले सुरू केले होते. गेल्या वर्षभरापासून हे हमास आणि इस्रायल संघर्ष सुरू आहे. आता लेबनॉनवर देखील इस्रायलने हल्ले सुरू केले आहे. तर इराणशी देखील तणावाचे वातावरण आहे. युद्ध छेडल्याच्या वर्षपूर्तीच्या पूर्वसंध्येला इस्रायलने लेबनॉनच्या बेरूतमध्ये भीषण हवाई हल्ला केला. या हल्ल्यात तीनजण जखमी झाले. या हल्ल्याचा प्रतिहल्ला म्हणून हेझबोलानेही सोमवारी इस्रायलवर काही क्षेपणास्त्र डागले.