[ad_1]
मुंबई, 14 जुलै : अखेर राज्य सरकारच्या मंत्रिमंडळाचा विस्तारावरून पडदा बाजूला झाला आहे. राज्याचे उपमुख्यमंत्री अजित पवार यांच्याकडे तिजोरीच्या चाव्या अर्थात अर्थ खात्याची जबाबदारी सोपवण्यात आली आहे. विशेष म्हणजे, अजित पवारांच्या कार्यालयाचा व्हिडीओ समोर आला आहे. त्यांच्या कार्यालयामध्ये राष्ट्रवादीचे अध्यक्ष शरद पवार यांचा फोटो लावण्यात आला आहे. अजित पवार यांनी राष्ट्रवादीतून बाहेर पडत शिंदे आणि फडणवीस सरकारमध्ये सामील झाले आहे. अजितदादांनी राष्ट्रवादी फोडल्यामुळे शरद पवार कमालीचे संतापले आहे. आपला फोटो हा कुणीही आपल्या परवानगीने वापरू नये, अशी घोषणाच पवारांनी केली होती. पण, राष्ट्रवादीतून बाहेर पडलेले सर्वच नेते शरद पवारांचा फोटो वापरत आहे.
News18लोकमत
आज अजित पवार यांच्या कार्यालयाचा व्हिडीओ समोर आला आहे. त्यांच्या कार्यालयामध्ये शरद पवार यांचा फोटो लावण्यात आला आहे. त्यासोबतच राष्ट्रपती द्रौपदी मुर्म, पंतप्रधान नरेंद्र मोदी यांचा फोटो लावण्यात आला आहे. शरद पवार यांनी जरी सांगितले असेल तरीही अजित पवार यांनी शरद पवार हे आपल्या दैवत आहे, असं याआधीच स्पष्ट केलं होतं. त्यामुळेच अजितदादांनी आपल्या केबिनमध्ये शरद पवार यांचा फोटो आवर्जुन लावला आहे.
दरम्यान, राज्य सरकारच्या मंत्रिमंडळाचा खातेवाटप जाहीर झाला आहे. अलीकडेच दाखल झालेले अजित पवार यांच्याकडे आता तिजोरीच्या चाव्या असणार आहे. तर अनेक मंत्र्यांची खाती कमी करण्यात आली आहे. पण कुणालाही डच्चू दिलेला नाही. काही मंत्र्यांची खाती काढून ही राष्ट्रवादी आणि शिवसेनेच्या मंत्र्यांना वाटण्यात आली आहे. पक्षानुसार खातेवाटप =========================================== शिवसेना मुख्यमंत्री एकनाथ शिंदे – सामान्य प्रशासन, नगर विकास, माहिती व तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले विभाग गुलाबराव पाटील- पाणीपुरवठा व स्वच्छता दादाजी दगडू भुसे- सार्वजनिक बांधकाम (सार्वजनिक उपक्रम) संजय दुलिचंद राठोड- मृद व जलसंधारण संदीपान आसाराम भुमरे- रोजगार हमी योजना व फलोत्पादन उदय रविंद्र सामंत- उद्योग प्रा.तानाजी जयवंत सावंत- सार्वजनिक आरोग्य व कुटुंब कल्याण अब्दुल सत्तार- अल्पसंख्याक विकास व औकाफ, पणन दीपक वसंतराव केसरकर- शालेय शिक्षण व मराठी भाषा शंभूराज शिवाजीराव देसाई- राज्य उत्पादन शुल्क =========================================== भाजप उपमुख्यमंत्री देवेंद्र फडणवीस गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती असतील. राधाकृष्ण विखे-पाटील – महसूल, पशुसंवर्धन आणि दुग्ध व्यवसाय विकास सुधीर सच्चिदानंद मुनगंटीवार- वने, सांस्कृतिक कार्य, व मत्स्य व्यवसाय चंद्रकांतदादा बच्चू पाटील – उच्च व तंत्रशिक्षण, वस्त्रोद्योग आणि संसदीय कार्य विजयकुमार कृष्णराव गावित- आदिवासी विकास गिरीष दत्तात्रय महाजन- ग्राम विकास आणि पंचायत राज, पर्यटन अतुल मोरेश्वर सावे – गृहनिर्माण, इतर मागास व बहुजन कल्याण सुरेशभाऊ दगडू खाडे- कामगार रवींद्र दत्तात्रय चव्हाण – सार्वजनिक बांधकाम (सार्वजनिक उपक्रम वगळून), मंगलप्रभात लोढा- कौशल्य विकास, उद्योजकता व नाविन्यता =========================================== राष्ट्रवादी उपमुख्यमंत्री अजित पवार वित्त व नियोजन छगन भुजबळ – अन्न व नागरी पुरवठा व ग्राहक संरक्षण दिलीपराव दत्तात्रय वळसे-पाटील – सहकार हसन मियाँलाल मुश्रीफ – वैद्यकीय शिक्षण व विशेष सहाय्य धनंजय पंडितराव मुंडे – कृषि धर्मरावबाबा भगवंतराव आत्राम – अन्न व औषध प्रशासन कु. अदिती सुनिल तटकरे – महिला व बालविकास संजय बाबुराव बनसोडे – क्रीडा व युवक कल्याण, बंदरे अनिल पाटील – मदत पुनर्वसन, आपत्ती व्यवस्थापन.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
[ad_2]
Source link