भास्कर एक्सक्लुझिव्ह: पाकिस्तानचे नाक कापले; ब्रह्मोस क्षेपणास्त्राने 6 हवाई तळ उद्‌ध्वस्त, भारताने आधी पाकची रडार प्रणाली उडवली, मग केला निर्णायक हल्ला

‘ऑपरेशन सिंदूर’च्या तिसऱ्या रात्री, ब्रह्मोस क्षेपणास्त्रांनी पाकिस्तानच्या ११ हवाई तळांवर कहर केला. सर्वाधिक दूरवरील ६ एअरबेसना सुखोई-३० एमकेआयअंतर्गत हवेतून जमिनीवर मारा करणाऱ्या ब्रह्मोस क्षेपणास्त्रांनी लक्ष्य केले. सूत्रांनी दिलेल्या माहितीनुसार, पाकिस्तानी हवाई दलाच्या अत्यंत सुरक्षित ठिकाणांना लक्ष्य करण्यासाठी आदल्या रात्रीच तयारी करण्यात आली होती. यासाठी, प्रथम शत्रूचे डोळे आणि कान मानल्या जाणाऱ्या रडार साइट्स नष्ट करण्यात आल्या.

लाहोरमधील कमांड अँड कंट्रोल सेंटरवरील हल्ल्यानंतर पाकिस्तानी हवाई दल मोठ्या प्रमाणात असहाय झाले. पाकिस्तानी रडारच्या क्षमतेची चाचणी घेण्यासाठी डेकॉय ड्रोन लाँच करण्यात आले. यावरून हे सिद्ध झाले की शत्रूला हवाई संरक्षणावर लक्ष ठेवणे म्हणजे अंधारात बाण मारण्यासारखे आहे. पाकिस्तानचे बहुतेक रडार एकतर बंद होते किंवा हवाई दल त्यांना सक्रिय करण्यास घाबरत होते. हे संपूर्ण हल्ल्यासाठी परिपूर्ण होते.

निश्चित तळांऐवजी तात्पुरत्या तळांवर तैनाती

हवाई दलाने शांत तळांवरून आपली संसाधने काढून ती तात्पुरत्या तळांवर तैनात केली. पहलगाम हल्ला आणि ऑपरेशन सिंदूरपर्यंत दरम्यान, पाकला संरक्षणात्मक तयारीसाठी १३ दिवस मिळाले होते. संसाधनांचे पुनर्वितरण करून, त्यांच्या गुप्तचर यंत्रणेला भ्रमित केले.

खडे बोल..काश्मीर द्विपक्षीय मुद्दा, व्यापारावरही चर्चा नाही : भारत

नवी दिल्ली | भारताने पुन्हा एकदा स्पष्ट म्हटले की काश्मीर मुद्दा हा भारत – पाकमधील द्विपक्षीय मुद्दा आहे. मुद्दा पाकिस्तानने (पीओके) व्यापलेले भाग रिकामे करण्याचा आहे. या संघर्षात अण्वस्त्रे आणि व्यापाराबाबत कोणत्याही चर्चेला भारताने नकार दिला. अमेरिकेचे राष्ट्राध्यक्ष डोनाल्ड ट्रम्प यांनी मध्यस्थीचा दावा केल्यानंतर हे विधान आले आहे.

…अन् डीआयडी ऑपरेशन सुरू ‘ यानंतर ऑपरेशन ‘डीआयएडी’ सुरू करण्यात आले. म्हणजे शोधा… ओळखा… वाटप करा… नष्ट करा. एकदा हे चार बिंदू पूर्ण झाले की, ते लक्ष्य नष्ट करण्याचा संकेत होता. अशा परिस्थितीत, ब्रह्मोसने सुसज्ज सुखोई आणि स्कॅल्प आणि हॅमरने सुसज्ज राफेल लढाऊ विमाने पाठवण्यात आली. ब्रह्मोसने सहा पाकिस्तानी हवाई तळ उद्ध्वस्त केले. पाक अधिकाऱ्याला हाकलले: भारताने पाक उच्चायुक्तालयातील एका अधिकाऱ्याला ‘अवांछित व्यक्ती’ घोषित करत २४ तासांत भारत सोडण्यास सांगितले.

पंजाबच्या आदमपूर एअरबेसला मोदींची भेट; म्हणाले-भारतातील निर्दोषांचे रक्त सांडणाऱ्यांचा महाविनाश करू

भारतीय हल्ल्याचा बदला म्हणून पाकिस्तानी सैन्य पश्चिम सीमेवर हल्ला करेल हे लष्कराला माहीत होते. अशा परिस्थितीत ४ स्तरीय एअर डिफेन्स ग्रीड सक्रिय केला. उंचावरील हल्ल्यांसाठी जमिनीवरून हवेत मारा करणारी क्षेपणास्त्र प्रणाली एस-४००, मध्यम पल्ल्याच्या माऱ्यासाठी एमआर-एसएएम क्षेपणास्त्र प्रणाली बराक-८०० तैनात केली. कमी पल्ल्याच्या माऱ्याकरिता पिचोरा, ओसा, आकाश, स्पायडर आणि समर क्षेपणास्त्रांचे कवच बनवले. पॉइंट रेज येथे एल-७० आणि एलएलएडी संरक्षण प्रणाली तैनात केल्या. या ४ थरांच्या ढालने पाकिस्तानचे ४०० ड्रोन नष्ट केले. ३० लांब पल्ल्याच्या क्षेपणास्त्रांना निष्क्रिय करण्यात आले. असे ४० ड्रोन देखील आले, जे सशस्त्र नव्हते. कदाचित हे हवाई संरक्षण कवच तपासण्यासाठी होते. पाकिस्तानचे लक्ष्य हवाई तळ होते. ही सर्व क्षेपणास्त्रे एअर शील्डने नष्ट केली.

भारत माता की जय… मंगळवारी सकाळी पंतप्रधान आदमपूर एअरबेसवर पोहोचले आणि सैनिकांना प्रोत्साहन दिले.

थेट इशारा… पीएम म्हणाले, वाईटाच्या नाशासाठी आणि नीतिमत्तेसाठी शस्त्रे उचलण्याची परंपरा आहे. बहिणींचे कुंकू पुसले गेल्याने सैनिकांनी दहशतीचा फणा ठेचला. लोकांचे रक्त सांडणाऱ्यांचा एकच शेवट – महाविनाश. खोटे उघड… पीएम मोदी यांनी मंगळवारी सकाळी अचानक पंजाबच्या आदमपूर एअरबेसवर पोहोचून हवाई दलाचे अधिकारी आणि जवानांशी संवाद साधला. त्यांच्या भेटीमुळे आदमपूर हवाई तळ नष्ट केल्याचा पाकचा खोटारडेपणाही उघड झाला. स्पष्ट संदेश…ऑपरेशन सिंदूरचा संदर्भ देत मोदी हवाई दलाला म्हणाले, ‘सर्व मार्ग (शस्त्रे) वापरले गेले हे चांगले आहे. तुम्हाला वाटले होते की तुम्ही ते शिकत आहात पण माहीत नव्हते की ते कधी उपयोगी पडेल.